काठमाडौं । तिनकुनेमा राजसंस्था पुनर्स्थापनाका पक्षधरहरूले आयोजना गरेको संयुक्त जनआन्दोलन समितिको प्रदर्शनका क्रममा झडप भएपछि संयोजक नवराज सुवेदीलाई सुरक्षित स्थानतर्फ लगिएको छ।

शारीरिक रूपमा अस्वस्थ देखिएका सुवेदी लट्ठीको सहारामा प्रदर्शनस्थल पुगेका थिए। झडप सुरू हुनेबित्तिकै रविन्द्र मिश्रलगायतका कार्यकर्ताले उनलाई मञ्चबाट निकालेर सुरक्षित स्थानमा लगे।

राजसंस्था पुनर्स्थापनाको माग गर्दै गरिएको प्रदर्शनका क्रममा सुरक्षाकर्मी र प्रदर्शनकारीबीच तनाब सिर्जना भएको थियो। स्थिति नियन्त्रणमा लिन सुरक्षाकर्मीले बल प्रयोग गरेको थियो भने प्रदर्शनकारीहरूले समेत प्रतिरोध गरेका थिए।

झडपका क्रममा केही प्रदर्शनकारी घाइते भएको आशंका गरिएको छ। थप विवरण आउन बाँकी छ।