१ फागुन, बाँके । नेपाल कम्युनिष्ट पार्टीका पोलिट व्यूरो सदस्य तथा बाँके जिल्ला इन्चार्ज रक्तिम सीले जनयुद्ध भनेको समाजवादका लागि गरिएको जनताको युद्ध भएको बताएका छन ।
३० औं जनयुद्ध दिवसका अवसरमा नेकपा कोहलपुर नगरकमिटीले आयोजना गरेको शुभकामना आदान प्रदान तथा पसल उद्घाटन कार्यक्रमलाई विहिवार सम्वोधन गर्दै इन्चार्ज रक्तिम सीले जनयुद्ध समाजवादका लागि गरिएको जनताको युद्ध भएको बताएका हुन ।
उनले जनयुद्धमा बैज्ञानिक समाजवादका लागि रगत बगेको बताउदै नेपालमा बैज्ञानिक समाजवाद नआएको बताए ।
‘नेपालमा बैज्ञानिक समाजवाद आएको छैन, यहाँ गणतन्त्र जनयुद्धकै उपलव्धीले मात्र आएको छ, यो गणतन्त्र पनि दलालहरुको हातमा छ’ उनले भने , ‘नेपालमा जनताको गणतन्त्र चाहिएको छ, नेपाली विशेषताको समाजवाद चाहिएको छ, त्यसमा टिकेर नेपालमा बैज्ञानिक समाजवादमा पुग्नु पर्छ ।’
नेता रक्तिमले जनयुद्धमा हजारौं सहिदहरुको बगेको रगत, हजारौ योद्धाहरुको योगदान र लाखौ जनताहरुको त्याग तपस्या र लगानीले नेपालमा गणतन्त्र आएको दावी गर्दै पुँजीवादी गणतन्त्रलाई जनताको गणतन्त्रमा बदल्न वाँकी नै रहेको बताए ।
उनले जनयुद्ध दिवसको अवसरमा सबैमा शुभकामना दिर्दै जनताको व्यवस्था ल्याउनको लागि फेरी पनि माओवादीहरुको रुपान्तरण सहितको एकता आवश्यक रहेको बताए ।
कार्यक्रममा नेकपाका केन्द्रीय सदस्य शोभा सीले सबैमा जनयुद्ध दिवसको शुभकामना दिर्दै सहिदको रगतले नेपालमा गणतन्त्र आएको जिकिर गरे । उनले जनयुद्ध सामान्य युद्ध नभई जनताको न्यायपूर्ण ठुलो युद्ध भएको बताए ।
जनयुद्धको शुभकामना आदान प्रदान कार्यक्रमसगै सहिद सरोजा गरीको वहिनी झरना गिरी शाहीले संचालन गरेको झरना कस्मेटिक पसलको रिवन काटेर सहिद पत्नी तथा नेकपाका केन्द्रीय सदस्य शोभा सीले उद्घाटन गरिन । उनले ३० औं जनयुद्ध दिवसका अवसरमा ३० वटा मैनबत्ति बालेर जनयुद्धलाई सम्झिन ।
कार्यक्रममा सहभागी सबैले एक आपसमा अविर आवरण गर्दै मिठाई तथा फलफुल खार्दै जनयुद्ध दिवस उत्साहका साथ मनाएका थिए ।कार्यक्रम नेकपा नगर कमिटी सेक्रेटरी आस्मा सीको अध्यक्षतामा सम्पन्न भएको थियो ।
