जनगर्जन संवाददाता२०८१ कार्तिक १८
काठमाडौं । यमपञ्चकको आज पाँचौं दिन भाइटीका दिदीबहिनीले दाजुभाइको लामो आयुको वर प्राथना गर्दै सप्तरंगी टीका लगाएर मनाउँदैछन् ।
प्रत्येक वर्ष कार्तिक शुक्ल द्वितीयाका दिन मनाइने नेपालीको दोस्रो ठूलो चाड तिहारको मुख्य दिन आज दाजुभाइले दिदीबहिनीबाट टीका लगाउँने गर्दछन ।
आज टीकाको उत्तम साइत ११ बजेर ३७ मिनेट लाई लिईएको छ ।
दिदीबहिनीले दाजुभाइलाई टीका लगाएपछि दाजुभाइले पनि दिदीबहिनीलाई टीका लगाउने गरिन्छ । दिदीबहिनीलाई पूजा गर्नाले अखण्ड सौभाग्य र ऐश्वर्य प्राप्त हुने शास्त्रीय मान्यता रहेको धर्मशास्त्रविद् एवं नेपाल पञ्चांग निर्णायक विकास समितिका सदस्य प्रा डा देवमणि भट्टराईले जानकारी दिएका छन ।
