जनगर्जन संवाददाता२०८१ बैशाख २३
ललितपुर महानगरपालिका वडा न. १७ बाफलको एउटा टहरोमा आगलागी हुँदा एकै परिवारका पाँच जना घाइते भएका छन् ।
आगलागीमा परी घाइते हुनेमा सन्जय गिरी, उनकी श्रीमती रुपा गिरी, उनीहरुका १५ वर्षीय छोरा नित गिरी, ८ वर्षीया छोरी प्रिया र ३ वर्षीया छोरी एलिसा गिरी छन् । उनीहरुलाई उपचारका लागि किस्ट अस्पताल पठाइएको जिल्ला प्रहरी परिसर ललितपुरका एसपी तथा प्रवक्ता नरेशराज सुवेदीले जानकारी दिए ।
जलेको मोबिल संकलन गरेर राखिएको टहरोमा आगलागी हुँदा त्यहाँ रहेका ५ जना घाइते भएको एसपी सुवेदीले जानकारी दिए ।
एसपी सुवेदीका अनुसार अहिले ५ वटा दमकल र केमिकलको समेत सहयोगमा प्रहरी, नेपाली सेनासहितको टोलीले आगो निभ्याउने प्रयास गरिरहेको छ ।
