जनगर्जन संवाददाता२०८१ कार्तिक २६
कपिलवस्तु । कतार एयरवेजले मंगलबार देखि भैरहवास्थित गौतमबुद्ध अन्तर्राष्ट्रिय विमानस्थलबाट दैनिक उडान भर्ने भएको छ।
कतारले सातामा सातैवटा उडान गर्ने नागरिक उड्डयन प्राधिकरणले जानकारी गराएको छ।
कतार एयरवेजले हाल कतार–काठमाडौं दैनिक ३ वटा उडान गर्दै आइरहेको छ। यससँगै मंगलबारबाट दोहा–भैरहवा–काठमाडौं–दोहा उडान भर्ने भएको छ।
कतार एयरवेज थपिएसँगै भैरहवामा नियमित अन्तर्राष्ट्रिय उडान गर्ने वायुसेवाको संख्या ५ पुगेको छ।
