जनगर्जन२०८१ साउन २२
बागलुङ । सोमबार रातिदेखि परेको अविरल वर्षापछिको पहिरोमा परेर बागलुङको बडिगाड गाउँपालिका -९ बलघाँस गाउँ र वडा नं १० आरुपाटा गाउँका घाइतेको उपचारको लागि काठमाडौंबाट नेपाली सेनाको हेलिकोप्टर त्यस तर्फ गएको छ ।
उक्त घटनामा गम्भीर घाइते भएका ४६ वर्षीया संगीता बुढा, ५९ वर्षीया सुमित्रा विक, ३२ वर्षकी सीता थापा र ४२ वर्षीय मंगलसिं बुढाको उपचारको लागि सेनाको हेलिकोप्टर त्यस तर्फ पठाएको बडिगाड गाउँपालिकाका अध्यक्ष गण्डकी थापा अधिकारीले नयाँ विश्वलाई जानकारी दिइन्।
उक्त घटनामा ८ जनाको मृत्यु भएको सहायक प्रमुख जिल्ला अधिकारी चित्राङ्गत बरालले बताउनु भयो ।
