दिनेश विकल्प२०८१ बैशाख ७
![](https://janagarjan.com/wp-content/uploads/2024/04/2b24a7bf-c1a4-48d1-9a13-33c862b8be31.jpg)
बैसाख ७, बागलुङ । बागलुङको निसिखोलामा घाँस काट्ने क्रममा रुखबाट खसेर एक जनाको मृत्यु भएको छ ।
बागलुङ जिल्ला निसीखोला गाउँपालिका–४ खाडचौरका ३५ वर्षीय नारायण सुनारको रुखबाट खसेर बिहान मृत्यु भएको हो ।
गाइवस्तुलाई घाँस काट्नका लागि घर नजिकैको जङ्गलमा गैइ घाँस काट्ने क्रममा सुनारको रुखबाट सिँचाइ नहरमा खस्दा गम्भीर घाइते बन्नुभएको थियो । घाइते सुनारलाई आफन्त र छिमेकीले उद्धार गरी बुर्तिबाङस्थित प्राथमिक स्वास्थ्य केन्द्रमा लैजाँदै गर्दा बाटोमै मृत्यु भएको निसीखोलाका वडाध्यक्ष कुबिर विश्वकर्माले जानकारी दिनुभयो ।
समाजसेवी समेत रहनुभएका सुनारको मृत्युले खाडचौर गाउँ स्तब्ध बनेको उहाँले बताउनुभयो । मृतक सुनारका श्रीमती, एक छोरा र एक छोरी छन ।