काठमाडौं, चैत्र ८ । नेपालमा ६०औं अन्तर्राष्ट्रिय जातीय विभेद उन्मूलन दिवस (२१ मार्च) को अवसरमा “समानता, सामाजिक न्याय र जातीय विभेद उन्मूलनका लागि ऐक्यबद्धता निर्माण” र “समान हक, समान अवसर, ऐक्यबद्धता: दलित आन्दोलनको सरोकार! पूर्ण समानुपातिक प्रतिनिधित्व: दलित समुदायको अधिकार!” भन्ने नारासहित राष्ट्रिय संवाद कार्यक्रम सम्पन्न भएको छ।
संयुक्त राजनीतिक दलित संघर्ष समिति, राष्ट्रिय दलित आयोग र विभिन्न संघ-संस्थाहरूको संयुक्त आयोजनामा काठमाडौंको जिल्ला समन्वय समिति हलमा सम्पन्न उक्त कार्यक्रम संयुक्त राजनीतिक दलित संघर्ष समितिका संयोजक एव नेपाल दलित मुक्ति मोर्चाका केन्द्रिय अध्यक्ष दलजीत श्रीपालीको अध्यक्षता र नेकपा (एकीकृत समाजवादी) का अध्यक्ष एवं पूर्व प्रधानमन्त्री झलनाथ खनालको प्रमुख आतिथ्यतामा सम्पन्न भएको थियो ।
त्यसैगरी अतिथिहरुमा रणेन्द्र बराईली, मेहेले पार्की, भक्त बहादुर बिश्वकर्मा, दुर्गा परियार, प्रदिप घटाल, मनोहर विश्वकर्मा, गजाधर सुनार, पर्शुराम रम्तेल, ऋषि धमाला, रामलाल सी, सुन्दर पुर्कोटी, लगायत विभिन्न राजनितिक दलका प्रमुख तथा प्रतिनिधि, संघ सस्थाका प्रमुख तथा प्रतिनिधि लगायत अन्यको उपस्थिति रहेको थियो ।
कार्यक्रममा बोल्दै प्रमुख अतिथि झलनाथ खनालले समाजवादमा मात्रै दलित समुदायको पूर्ण मुक्ति सम्भव भएको भन्दै संविधानमा राम्रो प्रावधानहरू भए पनि कार्यान्वयनमा कमजोरी रहेको बताएका छन्। उनले दलित समुदायले ऐतिहासिक रूपमा व्यवस्था परिवर्तनमा महत्वपूर्ण भूमिका खेलेको उल्लेख गर्दै दलहरूले यो समुदायलाई केवल ‘भोट बैंक’ का रूपमा नहेर्नु पर्नेमा जोड दिए ।
उनले भने, राजनीतिक नेतृत्वको कमजोरीका कारण देश अस्थिरता र संकटमा परेको बताउँदै प्रगतिशील समाजवादमा मात्रै दलित समुदायको अधिकार सुनिश्चित हुने धारणा व्यक्त गरे। उनले दलित समुदायको अधिकार सुनिश्चितताका लागि आवश्यक परे सडक आन्दोलनमा समेत सहभागी हुने प्रतिबद्धता समेत जनाएका छन् ।
त्यसैगरी नेकपा (एस) का केन्द्रीय सचिव गणेश बिश्वकर्माले “नेपालको दलित आन्दोलनको समिक्षा र भावी एजेन्डा” विषयमा अवधारणा-पत्र प्रस्तुत गर्दै दलित समुदायले अगाडि सारेको २६ बुंदे साझा राजनीतिक एजेन्डालाई कार्यान्वयन गर्न संघर्ष जारी राख्नुपर्नेमा जोड दिए।
कार्यक्रममा रणेन्द्र बराईली, मेहेले पार्की, भक्त बहादुर विश्वकर्मा, दुर्गा परियार, प्रदिप घटाल, गजाधर सुनार, पर्शुराम रम्तेल, ऋषि धमला, रामलाल सी, त्रिलोकचन्द बिश्वकर्मा लगायत विभिन्न राजनीतिक दलका प्रतिनिधि, संघ-संस्थाका प्रमुखहरू र नागरिक समाजका अगुवाहरूले कार्यक्रमले नेपालको दलित आन्दोलनको समिक्षा गर्दै भावी एजेन्डाहरू तय गर्ने उद्देश्यले महत्वपूर्ण बहस र छलफलहरू प्रस्तुत गरर्यो। यसले दलित समुदायको अधिकार प्राप्तिका लागि थप मार्गचित्र तय गरेको आ
योजकहरूले विश्वास व्यक्त गरेका छन् ।
सो कार्यक्रममा बोल्ने वक्ताहरूले सिरहाको औरही गाँउपालिकामा २०८१ चैत्र १७ देखि आयोजना गर्न लागिएको श्री श्री १०८ विष्णु महायज्ञ स्थलमा रहेको दीपक मरिक (डाेम) को घर अछुत को भएकोले अशुद्ध भनी भत्काएर हटाइएको घटनाको सत्यतथ्य छानबिन गरि दोषीलाई कार्वाही गर्न सरकार संग जोडदार माग गरेका छन ।
कार्यक्रमको सञ्चालन पदम विश्वकर्माले गरेका थिए भने स्वागत मन्तव्य मन्जित ताम्राकारले व्यक्त गरेका थिए।
