जनगर्जन संवाददाता२०८१ फाल्गुण २१
काठमाडौं । थापाथलीमा मंगलबार बिहान फुटेको मेलम्ची खानेपानी आयोजनाको मुख्य पाइपलाइन रातारात मर्मत भएको छ ।
काठमाडौं उपत्यका खानेपानी लिमिटेड (केयुकेएल) को प्राविधिक टोलीले बुधबार बिहान ४ बजे फुटेको पाइपलाइन मर्मत गरेको केयुकेएलका इन्जिनियर प्रकाश बरालले जानकारी दिएका छन ।
मंगलबार बिहान थापाथली चोकबाट नर्भिक अस्पतालको सडकको बीच भागमा पाइप फुटेर सडक भत्किनुका साथै आसपासका क्षेत्र जलमग्न भएको थियो ।
केयुकेएलले तत्काल पानीको लाइन बन्द गरेकाले केहीवेरमै अवस्था सामान्य बनेको थियो ।
