काठमाडौं । विद्युतीय अपराध कारोबार ऐन विपरीतको कसुर गरेको आरोपमा पक्राउ परेका अभियान्ता दुर्गा प्रसाईंलाई थप पाँच दिन हिरासतमा राख्ने भएको छ ।
जिल्ला अदालत काठमाडौले अनुसन्धानका प्रकिया अझै नसकिएको कारण
अझै केही दिन हिरासतमा राख्न अनुमति दिएको साइबर ब्यूरोका डीआईजी नविन्द अर्यालले बताएका छन ।
प्रसाईंलाई प्रहरीले भक्तपुरस्थित घरबाट ६ असोजमा पक्राउ गरेको थियो । त्यसबेला प्रहरीले उनलाई तीन दिन हिरासतमा राख्न अनुमति पाएको थियो । प्रहरीले त्यसबेला नै १० दिन हिरासतमा राख्न अनुमति मागेको थियो । तर, अदालतले तीन दिनलाई मात्र स्वीकृति दिएको थियो ।
ब्यूरोमा गएर एक जना महिलाले आफ्नो चरित्र हत्या भएको भन्दै प्रसाईं विरुद्ध उजुरी दिएकी थिइन् । त्यसको आधारमा प्रसाईंमाथि अनुसन्धान अघि बढाउन प्रहरीलाई अदालतले अघिल्लो साता बुधबार अनुमति दिएको थियो ।
प्रसाईं सहित बाग्लुङका जीवन पाण्डे र धादिङका प्रकाशचन्द्र दाहाललाई पनि पक्राउ गर्न अदालतले अनुमति दिएको छ ।
प्रहरीका अनुसार, हाल प्रसाईंविरुद्ध अर्को एक जना पीडितले पनि उजुरी दिएकी छन्
