जनगर्जन संवाददाता२०८१ चैत्र ६
कैलाली । राष्ट्रिय कलेज सुक्खड कैलालीमा भएको स्वतन्त्र विद्यार्थी युनियन (स्ववियु) निर्वाचनमा गम्भीर अनियमितता भएको भन्दै विद्यार्थी संगठनहरूले कलेज प्रशासनविरुद्ध विरोध प्रदर्शन गरेका छन्।
अखिल (समाजवादी), नेविसंघ र अनेरास्ववियुले चुनावमा फर्जी मत हालेको आरोप लगाउँदै कलेजमा ३ वटा संगठनले तालाबन्दी गरेक छन् । उनीहरूले प्रशासन र सुरक्षाकर्मीको मिलेमतोमा अखिल क्रान्तिकारीलाई विजयी गराइएको दाबी गरेका छन्।
निर्वाचन अधिकृत र क्याम्पस प्रमुख सम्पर्कविहीन भएपछि आक्रोशित विद्यार्थीहरूले कलेजमा तालाबन्दी गरेका छन्। उनीहरूले निष्पक्ष छानबिनको माग गर्दै न्याय नपाएसम्म संघर्ष जारी रहने चेतावनी दिएका छन्।
यस बिषयमा क्याम्पस प्रशासन र स्थानीय प्रहरी पक्षबाट कुनै आधिकारिक प्रतिक्रिया आएको छैन ।
