जनगर्जन संवाददाता
काठमाडौं । गायक गुणराज श्रेष्ठ र गायिका अस्मिता अधिकारीको आवाज रहेको ‘दोबाटोमा चौतारी’ बोलको गीत सार्वजनिक गरिएको छ । सुष्मा देवकोटाको शब्द तथा सुवास भुसालको संगीत रहेको सो गीतमा उदयराज पौडेलको संयोजन र अशोक महर्जनको मिक्सिङ छ ।
गीतको भिडियोमा पछिल्लो समयका व्यस्त बनेका मोडल सुधीर श्रेष्ठ, श्रृस्टि खड्काले जोडी बाँधेका छन् । साथै भिडियोमा गायक श्रेष्ठले पनि अभिनय गरेका छन् । निशा कश्यपले निर्देशन गरेको भिडियोमा उत्सव दाहालको छायांकन छ ।
