जनगर्जन संवाददाता२०८१ आश्विन १५
काठमाडौं । दुर्गा प्रसाईंलाई १ लाख धरौटीमा छोड्न काठमाडौं जिल्ला अदालतले आज आदेश दिएको छ ।
काठमाडौँ जिल्ला अदालतका न्यायाधीश ठाकुर प्रसाद खरेलको इजलासले ५०/ ५० हजार धरौटीमा छाड्न आदेश भएको साइबर ब्युरोका एसएसपी दीपकराज अवस्थीले बताएका छन ।
यसअघि प्रसाईविरुद्ध साइबर अपराध गरेको आरोपमा जिल्ला अदालत काठमाडौंमा दुईवटा साइबर अपराधको मुद्दा दायर भएको थियो ।
गत असोज ६ गते आफनै निवास भक्तपुरबाट पक्राउ परेका प्रसाई हिरासतमा परेपछि बिरामी भएको भन्दै अस्पताल भर्ना भएका थिए । अभियोगमा उनीमाथि अधिकतम अर्थात ५ वर्ष कैद र एक लाख रुपैंया जरिवानाको माग गरेको थियो।
