News Portal

  • प्रतिपक्षले निहुँ खोजिरहयो भने शान्ति प्रक्रियाका बाँकी काम कहिल्यै टुङ्गिँदैन : प्रधानमन्त्री

    जनगर्जन संवाददाता२०८० फाल्गुण ३०
    ३३ पटक

    काठमाडौँ । प्रधानमन्त्री पुष्पकमल दाहाल ‘प्रचण्ड’ ले शान्ति प्रक्रियाका बाँकी काम सबै राजनीतिक दलको सहमतिमा टुङ्ग्याउन आवश्यक रहेको बताएको छ । बुधबार प्रतिनिधि सभाको बैठकमा विश्वासको मत माग्दै प्रधानमन्त्री प्रचण्डले प्रतिपक्षमा बस्नेले निहुँ खोज्दै जाने हो भने शान्ति प्रक्रियाका काम कहिल्यै नटुङ्गिने बताएका हुन् ।

    उनले नेपाली काँग्रेस शान्ति प्रक्रियालाई र शान्ति प्रक्रियाका बाँकी काम टुङ्ग्याउन उत्तिकै आवश्यक कडी बन्नुपर्ने बताए । उनले सहमतिमा टुङ्ग्याऔँ भन्ने कुरामा विमति नहुने तर सहमतिमा टुङ्गो लगाउन नसकिएको बताए ।

    उनले भने, ‘मान्य रमेश लेखकज्यूले भन्नुभएको छ, अब शान्ति प्रक्रिया के हुन्छ ? हिजो शान्ति प्रक्रिया टुङ्ग्याउन कसले बाधा पुर्‍यायो जवाफ दिनुपर्छ भन्नुभएको छ । जवाफ तपाईंहरूलाई राम्रोसँग थाहा नै छ । जो प्रतिपक्षमा बस्यो उसैले निहुँ खोज्ने भए कहिल्यै टुङ्गिँदैन । तर नेपाली काँग्रेस शान्ति प्रक्रियालाई र शान्ति प्रक्रियाका बाँकी काम टुङ्ग्याउन उत्तिकै आवश्यकता बन्नुपर्छ । यसलाई सहमतिमा टुङ्ग्याऔँ भन्ने कुरामा हाम्रो कहिल्यै विमति भएन, तर टुङ्गिँदा पनि टुङ्गिएन । अब नेपाली काँग्रेसले त्यही बाटो नलिओस् भन्ने मेरो चाहना हो । अब सहमतिले यसलाई टुङ्ग्याऔँ ।’

    प्रधानमन्त्री दाहालले राजनीतिक अस्थिरताले सिर्जना गरेको सामाजिक अराजकता, आक्रोशलाई परिवर्तन ल्याउन सरकारले विश्वासको मत दिन आवश्यक रहेको बताए ।

    प्रतिकृया दिनुहोस्