संसदको दुबै सदनको बैठक बस्दै

जनगर्जन संवाददाता

२७१ पटक

काठमाडौं । राष्ट्रिय सभा र प्रतिनिधि सभाको बैठक आज बस्दै छ। नयाँ बानेश्वरस्थित संघीय संसद भवनमा राष्ट्रिय सभा बैठक बिहान ११ बजे र प्रतिनिधि सभा बैठक दिउँसो १ बजेका लागि तय भएको छ।

राष्ट्रिय सभा बैठकमा अध्यक्ष गणेश तिमिल्सिनाले राष्ट्रपति कार्यालयबाट प्राप्त विधेयक प्रमाणीकरण सम्बन्धी पत्र पढेर सुनाउने कार्यसूची छ। त्यसैगरी विधायन व्यवस्थापन समितिका सभापति जयन्ती देवी राईले संविधानअनुसार बन्न बाँकी कानुनहरूको अध्ययन प्रतिवेदन, २०८० सभा समक्ष पेस गर्ने लगायत विभिन्न पाँच कार्यसूची छन्।

प्रतिनिधि सभा बैठकमा पनि सभामुख देवराज घिमिरेले राष्ट्रपति कार्यालयबाट प्राप्त कार्यभार तोकिएको र विधेयक प्रमाणीकरण सम्बन्धी पत्रहरूको व्यहोरा पढेर सुनाउने लगायत विभिन्न ७ कार्यसूची छ।

यसअघि बुधबार बसेको प्रतिनिधि सभाको बैठक एमालेको अवरोधका कारण स्थगित भएको थियो। सुन प्रकरणको अनुसन्धान गर्न उच्चस्तरीय छानबिन समितिको माग गर्दै एमालेले लगातार संसद अवरोध गर्दै आइरहेको छ।

प्रतिकृया दिनुहोस्