काठमाडौँ । नेपाल पत्रकार महासङ्घको नयाँ नेतृत्व चयन गर्न आज निर्वाचन हुँदैछ । आज बिहान ९ देखि अपराह्न ४ बजेसम्म मतदान हुने केन्द्रीय निर्वाचन समितिले जनाएको छ ।त्यसै अन्तर्गत भक्तपुर जिल्ला कार्यसमितिको मतदान पनि शान्त र सौहार्दपुर्ण बाताबरणमा चलिरहेको छ ।
जिल्ला अध्यक्षका लागि जगत कृष्ण प्रजापति, सुन्दर शिल्पकारको उम्मेदवारी परेको छ भने उपाध्यक्षमा बाबु काजी श्रेष्ठ हेमराज ढकालको उम्मेदवारी दिएका छन ।
यसैगरी, महिला उपाध्यक्षमा नविना खर्बुजा र कविता अधिकारी सचिवमा दिपक ढुंगाना र आशिष पौडेलको रहेको छ ।
आज केन्द्रिय कार्यसमिति, १० प्रदेश समिति र ७७ जिल्ला शाखा तथा ४१ प्रतिष्ठान शाखामा नयाँ नेतृत्व चयन हुनेछ । र त्यही अन्तर्गत भक्तपुर जिल्लामा १४६ मतदाता संख्या रहेको छ । अहिलेसम्म १४६ मत मध्ये जम्मा १०२ भोट गैसकेको छ । बाकी भोट खस्ने क्रम जारी छ । मतदान केन्द्र यचु पार्टी भेन्यु ठिमि भक्तपुर रहेको छ ।
