कपिलवस्तु । शिवराज नगरपालिका वडा न. ८ को कार्यालय विशुनपुरको सडक अन्तर्गत बिशुनपुरको वडा कार्यालय आसपासको दायाँबायाँ (९ मिटर) मापदण्डभित्र परेका संरचना हटाउन थालेको छ ।
शिवराज नगरपालिका वडा न ८ का वडा अध्यक्ष रिजवान अहमदको पहलमा डोजर लगाएर बुधबार देखि ती संरचना हटाउन सुरु गरेको छ । सडकको आसपासमा भएका सामाग्री, संरचना तथा सार्वजनिक जग्गामा बनाएका टहरा वा निर्माण सामाग्रीहरु डोजर लगाएर हटाएको छ ।
एक महिना अगाडि नै मापदण्डभित्र परेका संरचना हटाउन मौखिक जानकारी दिइएको भए पनि अटेरी गरेकाले मिति २०८१/६/२० मा ३ दिने प्रथम सुचना प्रकाशित गर्दा नि हटाउन नमनिएको सामाग्री तथा संरचना हटाउन लागिएको वडा अध्यक्ष अहमदले बताएका छन । उनका अनुसार सडकको मापदण्ड मिचेर बनाईएकास्थायी–अस्थायी संरचना हटाउने टोल सरसफाई गर्ने, सार्वजनिक जग्गामा थुपारेका घर निर्माणका सामाग्रीहरु माथि डोजर चलाउन लागिएको हो ।
शिवराज नगरपालिकाको वडा न ८ को प्राय क्षेत्रहरु व्यवस्थित रुपमा छैनन । सडक आसपास दिसापिसाब गर्ने,गाईभैसी बाध्ने, फोहोर थुपार्ने,घरायसी सामाग्रीहरु राख्ने ,नाली अव्यवस्थित छन । वडाले पटक पटक जानकारी गराउदा पनि स्थानीयले अटेर गरेको पाईएको छ । स्वास्थ्य सम्बन्धी कुनै जानकार देखिदैनन उनीहरु, भन्छन यो हाम्रो काम होईन यो काम प्रधानको हो यो काम प्रधानले गर्छ । यदि स्थानीयले नै यसमा बेवास्ता गरे समाज कसरी उठ्छ छ । यहि एक उदाहरण बनेका छन शिवराज नगरपालिका वडा न . ८ का वडा अध्यक्ष रिजवान अहमद ।
करिब २८ वर्षका युवा रिजवान जो मुस्लिम समुसायका हुन जसले यत्रो हिम्मत गरे यो शिवराज नगरपालिकाको पहिलो हिम्मतिलो अनि साहसिक युवा हुन वडा अध्यक्ष रिजवान? गरे के हुदैन आट गर्नुपर्छ । एउटा पिछडिएको समुदायबाट आएका युबा हुन जसले आफ्नो समाजलाई बदल्न खोजेका छन । जसका पछाडि थुप्रै चुनौती पनि छन भने कयौ युवाहरुको पनि साथ सपोर्ट रहेको छ ।
उक्त सरसफाइ कार्यक्रममा नगर प्रहरी , नेपाल प्रहरी र सशस्त्र प्रहरी परिचालन गरिएको थियो । केही समय अबस्था अलिकती असामान्य बनेको थियो ।सशस्त्र प्रहरी तथा स्थानियले हुललाई कन्ट्रोल गरेका थिए ।
कार्यक्रम शिवराज नगरपालिकाका मेयर अजय थापाको प्रमुख आतिथ्यता ,वडा अध्यक्ष रिजवान अहमदको अध्यक्ष्ातामा उमेश पासीको सन्चालनमा कार्यक्रमको उदघाटन गरिएको थियो । कार्यक्रमको नेतृत्व नगरपालिकाका नगर प्रमुख अजय थापाले गरेका थिए ।
कार्यक्रममा पुर्व वडा अध्यक्ष , राजनीतिक दल भद्र भलादमी तथा बुद्धिजीवीहरुको पनि उपस्थिति रहेको थियो । कार्यक्रम मा १०० जना भन्दा बढी स्थानियहरुको उपस्थिति रहेको थियो ।
